يَا اهْلِ الخِيَّمْ جَاكُم عَلِي قُومُوا لَه
شُوفُوا عَلى صَدِري جنَازِتَه مَحمُولة،،

طِلْعَن يا وِيلِي مِنْ الخِدر عمّاته،
شَافوا عَلي مَرمي ويِجر وَناتَه،
ومِنْ الطَبُر ما تِنْحَصِي جِرَاحَاتَه،
زِيْنب عَليِه دُمُوعَها مَهمُولَة،

خَرَّت على جِسْمِ العَزِيز تِنَادِي،
شَيِّبت رَاسِي يا شَبيه الهَادِي،
لَيلَى تِحِّنْ وتصِيح ذَابَ أفَّادِي،
تِمشي وتِعثِر مَشْية المَذْهُولة،

وَتِصِيح جِسمِ ابنِي عَلِّي رَاوُوني،
عَيِني انْعَمَت مِنْ رَاحْ نُور عِيُونِي،
مَا أرِيدْ مِنْ بَعَد ابْنِي العُمُر دِفنُونِي،
ولا أَشُوف جِثةَّ هالوَلَد مَحْمُولَة،

يَا حَسِينْ حُفروا لِي حَفِيرةَ السَاعَة،
ما اقْدَر أَشُوف ابْنِي واشُوف نِزَاعَه،
قِلْهَا يَا لَيْلَى اتْزَوِّدِي مِنْ وِدَاعَه،
بِشْرِي بَعَدْنَا بِناَقَةِ مَهْزُولَة،

السَلامُ عَلَيْكَ يَا عَلِي الأَكْبَر ..